Бұл туралы Қазақстанның велосипед спорты федерациясының баспасөз қызметі мәлім етті.

- Нұр-Сұлтан қаласында өткен ашық қысқы ел чемпионаты ерлер, әйелдер, жасөспірімдер және қыздар арасында өрбіді. Жарыста спортшылар жылдамдық және спринтерлік қабілеттерін сынға салды. Велоспортшылар тректегі 7 сайыс түрінен жарысты, - деді баспасөз қызметінде.

Ел біріншілігінде Павлодар облысының намысын қорғаған Рината Сұлтанова 3 медаль олжалады.

Әйелдер арасында өнер көрсеткен Рината скретчтен топтық жарыс және айналымдық топтық сайыста алтыннан алқа тақты. Ал, ұпай жинау бойынша топтық жарыста 2-орын иеленіп, күміс медаль тағынды.

Айта кетейік, тректегі велосипед спортынан ашық қысқы Қазақстан чемпионатына 106 спортшы қатысты.

Оразбек Саяхат
Фото: ашық дереккөздерден

pavlodarnews.kz

Тэги: Павлодар, Рината Сұлтанова, велоспорт, спорт